Татарстанда коронавируска миллионнан артык ПЦР-тест үткәрделәр

Татарстанда яңа коронавирус йогышына ПЦР методы белән миллионнан артык тест үткәрделәр. Бу хакта узган матбугат конференциясендә Роспотребнадзорның ТР буенча идарәсе җитәкчесе урынбасары Любовь Авдонина сөйләде.

"Арту белән бүгенге көндә республика буенча тулаем 1 017 813 тест үткәрелгән, ягъни без тест үткәрү өлешендә миллионлы билгегә атладык", — дип билгеләп үтте Любовь Авдонина.

Узган тәүлектә республикада ПЦР-диагностика методы белән Covidка 6 мең 915 тест үткәрелгән.