Татарстанда өч әһәмиятле трассада тоталь контроль системасы камералары куелды

“Мәскәү – Уфа”, “Казан – Оренбург” һәм “Казан – Ульяновск” федераль әһәмияттәге өч автомобиль юлында барлык транспорт чараларының билгеләнгән тизлеген өзлексез тикшереп торуны тәэмин итү системасы файдалануга кертелде.

Датчиклар бер-берсе белән берләштерелгән һәм урнаштыру урынында тизлекне дә, датчиклар арасында уртача тизлекне дә теркәп баралар, маршрутның барлык дәвамында озын һәм өзлексез контроль зоналарын барлыкка китерәләр.

Фото- видеофиксация комплексларын урнаштыру урыннарын ачыклау максатыннан, күп кенә машина йөртүчеләр “радар – детектор” дан, шулай ук фото - һәм видеофиксация комплексларын урнаштыру турында мәгълүмат булган карталардан һәм башка мобиль кушымталардан файдалана. Өзлексез контрольне тәэмин итү системасы мондый тотып калуларны төшереп калдыра һәм, закон тыңлаучан тәртипкә эпизодик рәвештә җиһаз куелган конкрет урында түгел, ә фото - һәм видеофиксация комплекслары арасындагы участок дәвамында стимуллаштыра.

Агымдагы елда тоталь контроль системасы Казан – Малмыж юлында, икенчесе Чаллы – Зәй – Әлмәт, өченчесе Казан – Шәмәрдән, дүртенчесе Чистай – Түбән Кама юлында барлыкка киләчәк.

Фото:https://tatar-inform.tatar/