Татарстан даруханәләрендә ажиотаж кими

Татарстан даруханәләрендә ажиотаж кими. Бу хакта ТР Министрлар кабинетында узган атналык брифингта ТР Президенты матбугат хезмәте җитәкчесе Лилия Галимова хәбәр итте.
Аның сүзләренә караганда, медицина учреждениеләрен һәм даруханә челтәрләрен дару белән тәэмин итү мәсьәләсе бүгенге көнгә кадәр ТР Президенты Рөстәм Миңнехановның шәхси контролендә тора. Күптән түгел узган утырышта Татарстанда коронавируска каршы көрәш буенча оператив штаб республиканың барлык районнарын конкрет препаратларны рецептур рәвештә бирүне үтәргә чакырды.
Моннан тыш, Галимова татарстанлыларга үз-үзен дәвалау белән шөгыльләнмәскә, даруларны сатып алырга һәм аларны профилактик максатларда кулланырга кирәклеген искә төшерде. Медицина учреждениеләрендә коронавирусны дәвалау өчен дару препаратлары бар, дип өстәде ул.