Таләпләрне үтәмәгән өчен
Административ күзәтчелек таләпләрен үтәмәгән өчен 43 яшьлек якташыбыз хөкем ителде.
Район прокуратурасы 43 яшьлек якташыбызга карата җинаять эше буенча дәүләт гаепләвен хуплады. Суд аны РФ Җинаятьләр кодексының 314.1 маддә 2 бүлегендә каралган җинаять кылуда гаепле дип тапты.
– Әлеге затка административ күзәтчелек билгеләнгән иде. Әмма ул суд тарафыннан билгеләнгән административ чикләүләрне берничә тапкыр бозды. Судта билгеләнгәнчә, 2021нче елның 6 февраленнән 2021нче елның 13 июленә кадәр гаепләнүче, үзенә административ күзәтчелек һәм административ чикләүләр билгеләнгәнен белә торып, берничә тапкыр аларны боза һәм өч тапкыр административ хокук бозу кыла. Алар өчен ул административ җәзага тартыла, – ди район прокуроры ярдәмчесе Илвир Бәхтиев.
Гаепләнүче җинаять кылуын тулысынча таныды һәм тәүбә итте.
Суд, дәүләт гаепләүчесенең фикерен исәпкә алып, якташыбызга җиде айга иректән мәхрүм итү рәвешендә җәза билгеләде. Җәзаны ул каты режимлы төзәтү колониясендә үтәчәк, дип хәбәр итәләр район прокуратурасыннан.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев