Соцпакетка алыштырырга теләсәң

Социаль хезмәтләр алуга хокуклары булып, аларны акчалата алучы федераль ташламаларга ия кешеләр, 1 октябрьгә кадәр пенсия бүлегенә гариза язып яисә гаризаны ПФР сайтындагы шәхси кабинет аша биреп, соцпакет алуга хокукларын кайтара ала. Бирелгән гариза алдагы елның 1 гыйнварына кадәр гамәлдә булачак.

Социаль хезмәтләр эченә рецепт буенча дару препаратлары һәм медицина әйберләре, инвалид балалар өчен дәвалау туклануы продуктлары; төп авыруларны дәвалау өчен санаторий-курорт дәвалануына юллама; дәвалау урынына бару-кайту өчен шәһәряны тимер юл транспортында, шулай ук шәһәрара транспортта бушлай йөрү керә.

Бүгенге көнгә безнең районда дәүләт социаль ярдәмен 2203 кеше ала.

Фәридә Ганиева,

Мөслим районында клиентларны кабул итү хезмәте җитәкчесе.