Шәфкатьле шәфкать иясе

Түбән Кама медицина көллиятендә һөнәр үзләштергән кыз хезмәт юлын район үзәк хастаханәсенең терапия бүлегендә башлап җибәрә. Аннары Яр Чаллыдагы ашыгыч ярдәм хастаханәсендә алты ел шәфкать туташы булып эшли, кабат район үзәк хастаханәсенә кайтып, хирургия бүлегендә хезмәт куя. Ләйсән Хәбирова соңгы ун елда поликлиникада участок шәфкать туташы вазыйфаларын башкара. Кайда гына эшләсә дә, төгәллеге, һәр эшне җиренә җиткереп башкаруы белән хастаханә җитәкчелеге һәм халык арасында абруй казанды. Л. Хәбирова сәламәтлек системасында озак еллар намуслы хезмәт куйганы өчен хастаханә администрациясенең һәм ТР Сәламәтлек саклау министрлыгының Мактау грамоталарына лаек булды.