Шампиньон белән кыздырылган ит

500 г сыер ите, 300-400 г шам­пиньон гөмбәсе, 1 кишер, 2 су­ган, соя соусы, тоз, борыч, яшел тәмләткечләр. Кыздыру өчен үсемлек мае.

Итне зур булмаган шакмакларга турарга. Тәменчә тоз, борыч, соя со­усы сибеп болгатырга һәм 30 минут маринадларга. Шампиньонны чи­стартырга, эре кисәкләргә турарга.

Суганны вак итеп, кишерне са­ламлап турарга яки кореяча ки­шер угычыннан чыгарырга. Итне 10 минут үсемлек маенда кызды­рырга. Гөмбәне кушып болгатырга. 2-3 минуттан кишер өстәп, тагын аз гына кыздырып алырга. Өстенә күмелерлек итеп су агызырга һәм 25-30 минут томалап пешерергә. Төбе көймәсен өчен, әледән-әле болгаткалап торырга кирәк. Табын­га пешкән дөге белән, өстенә яшел тәмләткечләр сибеп чыгарырга.

Фото-Pixabay.com