Сак булыгыз: мошенниклар!
– Банк картагыз турындагы мәгълүматларны беркемгә дә әйтмәгез. Аеруча карта артындагы 3 санны чит күзләрдән яшерергә кирәк.
Банк хезмәткәрләре: “Банк картагыз белән проблемалар бар, карта номерыгызны әйтегез”, – дип сезгә шалтыратмаячаклар. Мондый шалтырату булганда, сөйләшүне туктатыгыз, үзегез, картагыз турында бернинди мәгълүмат та бирмәгез. Картагызда акча булмаган очракта, аның ярдәме белән сезнең исемдәге башка счетлардан акча урлап булуын онытмагыз.
– Сайт аша, шулай ук “Авито” сайты аша әйбер сатып алганда, сатучының картасына алдан акча күчермәгез.
– Сез куйган белдерү буенча шалтыратып, акча күчерү өчен банк картагыз турында мәгълүмат сорасалар, ризалашмагыз.
– Социаль челтәрләр аша туганыгыз битеннән акча сорап мөрәҗәгать итсәләр, күчермәгез.
– Акча кертеп, югары процентлар эшләргә тәкъдим итүчеләргә ышанмагыз.
Фото - Pixabay.com
Безнең телеграм каналга кушылыгыз! Телеграм-канал
Нет комментариев