Яңача яшәргә өйрәндек. Рамил Морзаханов

Рамил Морзаханов, район поликлиникасының участок табибы:

– 2020 ел безнең өчен аеруча истә калыр, мөгаен. Пандемиягә бәйле, поликлиниканың ике та­бибы – Илнар Шәмсетдинов һәм Илгиз Латыйпов – Яр Чаллы шәһәренең ковид- госпитальләрендә икешәр смена эшләде. Илгиз Максу­тович бүген дә Яр Чаллыда эшләвен дәвам итә. Үзебезнең хастаханәдә һәм поликлини­када да табиблар, шәфкать ту­ташлары экстремаль шарт­ларда эшләде, араларында авыручылар да күп булды. Ни кызганыч, бер табибыбыз, ко­ронавирус белән авырып, ара­быздан китеп барды. Кадрлар кытлыгын авыллардан фель­дшерларны чакырып хәл ит­тек.

Авыручылар арткан­да югары температура­лы кешеләрне фильтр аша үткәрдек. Июнь аенда – 224, октябрьдә – 223, ноябрьдә – 203, декабрьдә 72 кешегә пневмония диагнозы куел­ды. Узган ел бу чир белән ел дәвамында 201 кеше авырган иде. Саннар уйланырлык! Коронавирус хастаханә һәм поликлиника эшчәнлегенә дә үзгәрешләр кертте. Дис­пансерлаштыру уздыру, өлкәннәрнең сәламәтлеген тикшерү дүрт айга туктаты­лып торды.

Иганәчеләр ярдәме белән кислород концентраторлары, һава чистарту җайланмалары, индивидуаль саклану чарала­ры, минераль сулар, кирәкле җиһазлар алынды. Бүгенге көндә район хастаханәсендә ятып – 16, өй шартларында 57 кеше пневмониядән дәвалана.

Ел дәвамында хастаханәгә ике ашыгыч ярдәм маши­насы кайтуын да әйтергә кирәк. 26 декабрь көнне ре­спублика Президенты Рөстәм Миңнеханов “Лада-Гранта”, “ВАЗ-Патриот” машинала­рына ачкычлар тапшырды. Хастаханә һәм поликлиника­да авыруларны кабул итү өчен бөтен мөмкинлекләр дә бар.