Радик Сабиров: Кешеләрне укудан мәхрүм итәргә кирәкми, чөнки халык яңадан укый башлады

Радик Сабиров сүзләренә караганда, газета аудиториясе иң беренче чиратта анда матурлык эзли. "Интернеттагы иң популяр темалар - шоу-бизнес һәм трагедияләр, ә газета укучысы бу темаларны яратмый", - дип аңлатты ул. 

Баш мөхәррир билгеләп үткәнчә, аудитория файдалы киңәшләр, «сорау-җавап» рубрикасын һәм дин темасына басмаларны бик теләп укый.

«Кешеләрне укудан мәхрүм итәргә кирәкми, чөнки халык яңадан укый башлады. Пандемия вакытында бу бик сизелде. Авыр булыр дип курыктык, ә укучыларда, киресенчә, ихтыяҗ туды», – дип ассызыклады Сабиров.

«Шәһри Казан» баш мөхәррире газетаның барлыкка килү вакыты турында да искә төшерде. «Ул вакытта милләт язмышы турында сөйләшүләр актуаль булды һәм әдәбиятка зур игътибар бирелде. Бу редакциядә шагыйрьләрнең күп эшләве белән бәйле булгандыр», – дип фаразлады ул.

Тулырак мәгълүмат: https://www.tatar-inform.ru/news/society/17-08-2020/gazete-shahri-kazan-ispolnilos-tridtsat-let-5764158