Мөслим-информ

Муслюмовский район

18+
2024 - Гаилә елы
Яңалыклар

ПРОФИТРОЛИ (РЕЦЕПТ)

Концертлар алып баручы Зәмирә Рәҗәповадан профитроли рецептын тәкъдим итәбез.

Камыр өчен: 1,5 стакан кайнаган су, 150 грамм атланмай һәм бер чеметем тоз, 1,5 стакан он, 5 йомырка.

Крем өчен: 500 грамм кибет каймагы, "Маскарпоне" яки "Омичка" сыры, 1 стакан шикәр комы.

Эш тәртибе: бер савытка су, атланмай һәм тоз салып кайнатып чыгарырга, уттан алырга, он иләп салырга. Кую бәрәңге боламыгына охшаш масса барлыкка килә. Бу масса суынгач берәмләп йомыркаларны салырга. Яхшылап миксер белән болгатырга. Әзер камырны кулинар капчыгына яки сөттән бушаган пакетка салып сытып чыгарырга, шулай ук кашык белән табага салырга да мөмкин. 180 градуска кадәр кызган мичкә куярга һәм кызарганчы тотарга.

Крем ясау өчен ингредиентларны яхшылап миксер белән болгатырга һәм профитроли камырына кулинар шприц белән крем тутырырга. Әгәр дә болай мәшәкатьләнәсегез килмәсә, пешкән камырларны кремга манып алырга һәм тәлинкәгә тезәргә.

Ялларыгыз күңелле, чәйләрегез тәмле булсын!

Следите за самым важным и интересным в Telegram-каналеТатмедиа

Безнең телеграм каналга кушылыгыз! Телеграм-канал

Без "Дзен"да! Дзен


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Реклама