Призлы урыннарга лаек булдылар

Мөслим сәнгать мәктәбе укучылары бу көннәрдә конкурс-фестивальләрдән кайтып керми. 6 февраль көнне Әлмәт шәһәрендә булып узган чираттагы бәйгедә халык уен кораллары бүлеге укучылары чыгыш ясады. Инде 9нчы ел рәттән оештырылучы Бөтенроссия “Урсал тауда” конкурс-фестивалендә быел да балалар уңышлы чыгыш ясап, призлы урыннарга лаек булдылар. Балалайкада уйнаучы егетләр Ислам Салихҗанов - 3нче дәрәҗә лауреат, “Веселые ребята” балалайкачылар ансамбле – 3нче дәрәҗә лауреат, Камиль Миңнегалиев – 1нче дәрәҗә лауреат, Рушат Давлетшин 2нче дәрәҗә дипломант исемнәренә лаек булдылар. Укытучылары – Дилбәр Салихҗанова. Баянчы егетебез Әмир Габделхаков шулай ук 3нче дәрәҗә лауреат исеменә лаек булды. Укытучысы – Радик Газизов. Балаларга конкурсның истәлек бүләкләре тапшырылды. Укытучылар Дилбәр Салихҗанова, Радик Газизов, концертмейстерлар Алеся Латыпова, Розалия Хәбибуллина педагогик осталык өчен дипломга лаек булдылар.