Мәскәү парадында катнаша

Мөслимдә яшәүче актив хәбәрчебез Флүрә апа Дәүләтшина бу көннәрдә кош тоткандай йөри. Моның сәбәбе дә бар: аның яраткан оныгы Гыйзетдинов Айдар Айрат улы 9 май көнне Мәскәүдә узачак Җиңү парадында катнашачак.

Рәсемдә: Төньяк флотның диңгез пехотасы 61 нче бригадасында хезмәт итүче Айдар Гыйзетдинов (өченче рәттә уртада) апрель ае дәвамында Мәскәү өлкәсенең Алабино хәрби частендә үткән репетицияләр вакытында.