Отряд вожатыйлары арасында уткәрелә торган “Искиткеч вожатый” Республика конкурсының район этабы уздырылды

Отряд вожатыйлары арасында уткәрелә торган  “Искиткеч вожатый” Республика конкурсының район этабы уздырылды. Конкурсның максаты Конкурс  түбәндәге бурычлары үз эченә ала:

• отряд вожатыйлары арасында лидерларны ачыклау;
• җәмгыятьтә вожатый һөнәренең дәрәҗәсен күтәрү;
• хәзерге җәмгыятьтә балалар хәрәкәте турында уңай фикер формалаштыру;
• әйдаман эшчәнлегенең төрле юнәлешләре буенча сыйфатлы методика  эшләү.

Бәйгедә унбиш мәктәптән иң яхшы вожатыйлар көч сынашты. Алар интеллектуаль уенда катнашып Татарстан Республикасы балалар иҗтимагый оешмалары эшчәнлеге һәм балигъ булмаганнарның хокуклары һәм бурычлары турындагы сорауларга җавап бирделәр. Икенче турда үзләренең сәләтлңрен ачып музыка уен коралларында уйнап, җыр, бию, сәнгатьле сойләм өлкәсендә чыгыш ясадылар. Өченче   ярышта мастер-класс күрсәттеләр, үзләре белгәнне калганнарга да өйрәттеләр. Соңгы этапта педагогик ситуацияләрдән дөрес чыгу юлларын таптылар.

Мәртәбәле жюри балларны санаганнан сон, нәтиҗәгә түбәндәгечә булды. Беренче урынны Г.Тукай ис. Мөслим урта мәктәбенннән Айсылу Асадуллина яулады, (педагог-оештыручы Г.Ф. Мавлиева). Икенче  урында Күбәк урта мәктәбе укучысы Адилә Низамова (педагог-оештыручы Г.А.Валиева). Камилә Григорьева, Яңа Усы  мәктәбеннән өченче урынга лаек булды (педагог-оештыручы Л.А. Миркасимова). Калган әйдаманнар исә номинацияләрдә җиңү яуладылар. Һәр катнашкан әйдаманга мәгариф идарәсе, мәктәптән тыш эшләр үзәгенең Мактау грамоталары, истәлек бүләкләре тапшырылды.