Операция ни күрсәтте?

24 декабрьдән алып 8 гыйнварга кадәр районда “Кышкы каникуллар” профилактик операциясе барды. Бу чорда мәктәпләрдә полиция хезмәткәрләре белән очрашулар, профилактик дәресләр узды. Укучыларның юл йөрү кагыйдәләрен белү-белмәве тикшерелде, шоферларның юлларда куркынычсызлык таләпләрен үтәүләре, җәяүлеләргә юл бирүләре катгый контрольдә булды. Операция барышында юл кагыйдәләрен бозган 16 яшькә кадәрге 14 балага карточкалар төзелде. Балаларын машинада махсус креслодан башка йөрткән дүрт шоферга административ беркетмәләр төзелде.