Олег Морозов: Конституциягә төзәтмәләр Россиягә тынычлык саклаучы ил статусын беркетәчәк

Россия үзен якларга әзер ил булып тора, әмма беркемгә дә һөҗүм итәргә җыенмый. Россиянең тынычлык урнаштыручы ил буларак статусын билгеләүче тиешле төзәтмә яңартылган Конституциягә кертелгән, дип сөйләде Татарстаннан Федерация Советы әгъзасы Олег Морозов.

«Бүгенге көндә без үзебезне сакларга да, планетада тынычлыкны тәэмин итәргә дә әзер, чөнки без — нинди идеология саклануга карамастан, системаларның тыныч яшәү тарафдарлары. Бу бик мөһим төзәтмә, ул безнең дәүләтнең йөзен тынычлык сөюче буларак ассызыклый», — дип билгеләп үтте Морозов.

Төзәтмәләр шулай ук илнең хокукый һәм территориаль суверенитетын игълан итәчәк. Сенатор фикеренчә, бу яңарту — чит илләр санкцияләр яки иноагентларны финанслау ярдәмендә Россия суверенитетын өзәргә маташкан соңгы еллардагы вакыйгаларга җавап.

Ул илнең Төп Законының яңартылган редакциясендә сәяси партияләрне дә, эксперт берләшмәсен дә берләштергән консенсус төзәтмәләр булачак, дип нәтиҗә ясады.

Тулырак мәгълүмат: https://www.tatar-inform.ru/news/politics/11-06-2020/oleg-morozov-popravki-v-konstitutsiyu-zakrepyat-za-rossiey-status-strany-mirotvortsa-5746325