Очрашу оештырылды

Кан әйләнеше системасы авыруларын иртә стадияләрдә ачыклау максаты белән район хастаханәсендә ”Мизгел” яшьләр үзәге җитәкчелеге белән очрашу оештырылды. ТР Сәламәтлек саклау министрлыгы һәм “Регионара клиник диагностика үзәге” башлангычы белән үткәрелгән чараның максаты – халыкның артериаль кан басымын үлчәү өчен волонтерлар җәлеп итү. Очрашу барышында “Йөрәк-кан тамырлары авырулары” темасына кыскача лекция белән гомуми практика табибы Илнар Шәмсетдинов чыгыш ясады. Агымдагы елның 29 ноябрендә медицина хезмәткәре булмаган кешеләрне һәм югары сыйныф укучыларын артериаль кан басымын үлчәү күнекмәләренә укыту планлаштырыла.