Наркотик матдә саклаган өчен бер райондашыбызны төрмәгә утырталар
Район прокуратурасы бер райондашыбызга карата кузгатылган җинаять эше буенча дәүләт гаепләвен хуплады. Ул ФР ҖК 228 маддәсе 1 бүлегендә каралган (законсыз рәвештә алу, күчерү, сату максатыннан тыш зур күләмдәге наркотик матдәләр саклау) җинаять эшләүдә гаепле дип табылды.
Судта каралганча, 2015 нче елның 2 июнендә ул хокук саклау органнары хезмәткәрләре тарафыннан тотылганчы законсыз рәвештә алган, күчергән, сату максатыннан тыш өендә наркотик матдәләр саклаган. Матдәләрнең гомуми күләме - 228, 42 гр тәшкил итә.
Гаепләнүче үз гаебен тулысынча таныды. Суд аңа 2 ел 2 айга ирегеннән мәхрүм итү турында җәза билгеләде. Җәза гомуми режимдагы төзәтү колониясендә башкарылачак.
Нет комментариев