Муниципаль берәмлекләр арасында бадминтон буенча көньяк-көнчыгыш лигасы узды

Әлмәт шәһәрендә муниципаль берәмлекләр арасында бадминтон буенча көньяк-көнчыгыш лигасы узды. Анда районның балалар һәм яшьүсмерләр спорт мәктәбе командасы да катнашты. Мөслим, Әлмәт, Азнакай, Сарман, Баулы, Лениногорск, Зәй районнарыннан килгән командаларны артта калдырып, безнекеләр бөтен алтын пьедесталны яулады. 2002-2003 елгы үсмерләр арасында беренче өчлеккә Рүзәл Ханов, Булат Шәрәфетдинов, Инзилә Әхәтова керде. 2004-2007 елгылар арасында беренчелек Ислам Фәрхетдиновка бирелде. Өченче урында - Алия Шәйхуллина. 2008 елгылар һәм яшьрәкләр арасында Фатыйма Хәбибуллина белән Ринас Ханов беренче урынны алды.