Мөслим гүзәлләре бәйрәм тәбрикләве кабул итте

6 март көнне район мәдәният йортында 8 март - Халыкара хатын-кызлар көненә багышланган бәйрәм тантанасы узды. Район башлыгы Рамил Муллин барлык мөслимлеләрне якынлашып килүче бәйрәм белән тәбрикләде. ГХАТ бүлегенең 100 еллык юбилее уңаеннан агымдагы елда бәбиләре туган парларга ТР Презилентының котлау хаты тапшырылды. Мөслимдә эшләп килүче калфак ясау остаханәсенә йөрүчеләрнең кул эшләнмәләре бәйрәмнең үзгә бер бизәге булды. "Күбәләк" балалар бакчасы хезмәткәрләре әлеге калфакларны киеп дефиле күрсәтте.