Әмәкәй мәктәбендә яшь математиклар көч сынашты

Әмәкәй мәктәбендә укучыларның математикага кызыксынуларын, логик һәм критик фикерләү сәләтләрен үстерү максатында Күбәк урта мәктәбе, Баек төп мәктәбе һәм Әмәкәй төп мәктәбе укучылары катнашында "Математика фәне биеклекләрен яулау" дигән темага квест-уен уткәрелде. Укучылар катлаулы мәсъәләләр, тигезләмәләр, башваткычлар чиштеләр, кызыклы сорауларга җаваплар эзләделәр. Һәр мәктәп укучылары биш квест - биеклекне уңышлы үтеп кызыклы уен күрсәттеләр. Уенда Әмәкәй мәктәбенең "Ялкынлы математиклар" командасы җиңү яулады.