Мәктәп китапханәчеләре семинары

5 март көнне Баланлы төп гомуми белем бирү мәктәбе базасында мәктәп китапханәчеләренең «Балалар һәм яшүсмерләр арасында укуны популярлаштыруның яңа идеяләре һәм формалары»дигән темага муниципаль семинары булып узды. Семинар башында мәктәп китапханәчесе Хәсәнова З.А. укучыларны китап укуга тарту буенча эш формалары турында сөйләде. Соңыннан тамашачылар игътибарына "Туган телем - иркә гөлем"дигән класстан тыш чара тәкъдим ителде. Методик берләшмә җитәкчесе Солтанова Г.М. «Яхшы кәеф формуласы»дигән психологик тренинг үткәрде. Китапханә белгечләре семинарда куллану өчен гамәли материал алдылар.