Мөҗәһит Әхмәтҗановның “Тапкырлар тапмый калмас” исемле табышмаклар китабы дөнья күрде

Балалар шагыйре, Абдулла Алиш, Саҗидә Сөләйманова исемендәге бүләкләр иясе, халык мәгарифе отличнигы, Татарстанның атказанган укытучысы Мөҗәһит Әхмәтҗанов актив иҗат белән шөгыльләнә. Өч дистәдән артык китап авторы ул. Шушы көннәрдә генә Татарстан китап нәшриятында якташыбызның балалар өчен "Тапкырлар тапмый калмас" исемле табышмаклар китабы дөнья күрде. Китап 1600 экземплярда басылды. Ул якын көннәрдә китапханә киштәләрендә һәм китап кибетләрендә булачак.