"Минем футбол" исемле бәйгенең җиңүчесе Гадел Мәгъданов тәэсирлэре белән уртаклаша

Гадел Мәгъданов Мөслим егете, лицейның 7 классында укый. Мөслим матбугат үзәгенең www.muslumirc.ru рәсми сайтында барган бәйгенең җиңүчесе ул.

- Мин үзем лицейның "Мирас" командасында уйныйм. Газетаның сайтына кереп, футбол яңалыклары белән танышырга яратам. Анда бәйге игълан ителгәч, апам миңа да үзем турындагы мәгълүматны урнаштырырга тәкъдим итте. Конкурста җиңүем турында белгәч, бик шатландым. Бүләккә футбол тубы төшкән футболка да алгач, баш күккә тиде. Моннан соң сайтка еш керәсе булыр, малайларга да әйтәм әле.

Бәйгенең икенче җиңүчесе - Мәмдүдә әби. Кызганыч, Гадел 94 балл җыйганда, аныкы 44 кенә булган.