«Миләшкәй» балалар бакчасы базасында «Яшел ут» бәйгесенең муниципаль бәйгесе узды

Мөслимнең «Миләшкәй» балалар бакчасы базасында «Яшел ут» бәйгесенең муниципаль бәйгесе узды. Комиссия игътибарына балалар катнашында юл һәлакәтләрен кисәтү максатыннан әзерләнгән профилактик чаралар тәкъдим ителде.
Конкурсантлар күрсәикән шөгыльләрдә юл билгеләре темасы төрле әкият һәм мультфильм эчтәлекләре белән тыгыз үрелеп барды. Соңыннан балаларның залда күрсәткән җыр-биюле юл кагыйдәләренә багышланган тамашасы бәяләнде.
Юл иминлеге программаларын финанслау дирекциясенең район бүлеге җитәкчесе Алсу Ситдыйкова, ЮХИДИ ИНСПЕКТОРЫ Руслан Бикмурзин катнашындагы комиссия беренчелекне "Кояшкай"б.б тәрбиячесе Чулпан Хафизовага бирде. Чулпанның эше Казанга җибәрелә. 400 дән артык тәрбияче катнашучы бәйгенең республика турында иң-иң 15 тәрбияче сайланып алыначак. Райондашыбызга уңышлар теләп калабыз.