Махсус декларация тапшыручыларга

Салым декларациясе тапшыручылар бу программа кысаларында түбәндәге өстенлекләргә ия: физик затларның капиталы һәм милке сакланышының хокукый гарантияләре тәэмин ителә, аларның милек ихтыяҗлары (шул исәптән Россия Федерациясе чикләреннән тыш) саклана, салым һәм җыемнар турындагы законнарда каралган бурычларны намус белән башкару өчен стимул булдырыла.
Моннан тыш капитал амнистиясенең икенче этабы барышында чит ил банкларында 2018 нче елның 1 гыйнварына ачылып, махсус декларация тапшыру датасына ябылган счетларны (кертемнәрне) дә декларацияләргә мөмкин. Бердәнбер таләп – мондый ябылган счетларның 2018 нче елның 1 гыйнварына чаклы ачылган булуы. 
140-ФЗ санлы Федераль законның 4 маддә 13 пункты нигезендә салым түләүче тарафыннан декларация тапшырылган очракта 2018 нче елның 1 гыйнварына чаклы аның тарафыннан кылынган гамәлләргә гарантияләр (җинаять, административ, салым җаваплылыгыннан азат итү) бирелә. 
Махсус декларацияне теләсә кайсы салым органына бары тик кәгазьдә яисә нотариуста расланган ышаныч буенча эшләүче вәкил аша тапшырырга була. Махсус декларацияне почта аша, электрон формада, кабаттан яисә аныклап җибәрергә ярамый. 
Махсус декларация бер тапкыр гына тапшырыла. Тапшырылган декларацияне кабул итмәү турында язмача баш тарту булса, кабаттан тапшыру билгеләнгән вакытларда рөхсәт ителә. Тулырак мәгълүмат Россия Федераль салым хезмәте сайтының “Специальная декларация” бүлегендә урнаштырылган.   
Ленар Фәссахетдинов,ТР буенча 11 санлы районара инспекциясенең РФ дәүләт гражданлык хезмәтенең 2 класслы советнигы.
Фото – Pixabay.com.