Коррупция ул – ниндидер феномен

Коррупция темасы бүгенге дә актуаль. Коррупция ул – ниндидер феномен. Аның кайдан килеп чыгу серен эзләп табу бик авыр. Бу темага бүгенге көндә Россия президенты Владимир Путин һәм Татарстан президенты Рөстәм Миңнеханов та бик зур игътибар итә. 2008 нче елның 25нче декабрендә Россия Федерациясендә “Коррупциягә каршы көрәш”турында закон кабул ителде. Бу законда коррупциягә каршы көрәшнең төп принциплары, коррупцияне хокуый яктан кисәтү һәм хокук бозуларның нәтиҗәсен ликвидацияләү каралган. Гади сүз белән әйткәндә, коррупция – законсыз юл белән кешеләрдән акча алу, акча җыю. Ә иң куркынычы шул: ул гадәти хәлгә, безнең тормыш рәвешенә әйләнеп бара. “Мизгел” яшьләр үзәге белгечләре һәи “Игелек уят” отряды волонтерлары әлеге тема буенча халык күп йөри торган урыннарда акция үткәрде, райондашларыбыз фикерләре белән дә кызыксынды.