«Хәтер шәме» акциясы узды

22 июнь көнне, сәгать 20:00 Хәрби һәм хезмәт даны мемориаль комплексында «Хәтер шәме» исеме астында патриотик акция уздырылды. Бу гадәти генә чара түгел: сугыш кайтавазы әле һаман һәр гаиләдә диярлек яши, шуңа күрә туган ил өчен канкойгыч сугышта шәһит киткәннәрне әнә шулай искә алуның патриотик хис тәрбияләүгә дә йогынтысы зур. Акциядә катнашучылар, кулларына яндырылган шәмнәр тотып йолдыз санын язып тезделәр, соңыннан кулларындагы шәмнәрне Хәтер мемориалында калдырдылар.