Халык медицинасы. Укроп орлыгы ташларны куа 

Бер тапкыр кич эштән кайткач, сул яктан кабырга асты чәнчеп авырта башлады, күңел болганырга тотынды. Ашыгыч ярдәм чакырттык. Хастаханәдә дарулар ярдәмендә авыртуны бастылар. Тикшеренү узгач, бәвел куыгына ком утыруы ачыкланды. Өянәк тагын кузгалмасын дип, шундук дәваланырга керештем. Беренче эш итеп эчә торган суны чистартырга фильтр сатып алдым. Аннары үлән төнәтмәләре эчә башладым. 3 аш кашыгы урам чирәменә (спорыш) 2 аш кашыгы укроп орлыгы кушып болгаттым. Шуны 700 мл суга салып, 3 минут кайнатканнан соң, көнгә 6 мәртәбә яртышар стакан эчә башладым. Төнәтмәне 1 ай эчтем. Әле дә профилактика максатында өч айга бер мәртәбә 2 атна дәвамында шушы төнәтмәне кулланам. Бәвел куыгындагы комның бүтән борчыганы юк. 
Ирина Бәкерова.