Иң яхшы участковый – Мөслимдә

Республика буенча “Иң яхшы участковый” бәйгесе узды. Мөслим районы эчке эшләр бүлеге хезмәткәре, полиция майоры Айдар Фәхразиев әлеге бәйгедә җиңүче булды. ТР Эчке эшләр министрлыгының ветераннар советы рәисе Иван Гафуров, совет вәкиле Дмитрий Кухаркин Айдарга тантаналы шартларда сертификат һәм вымпел тапшырды. “Иң яхшы участковый” бәйгесе интернет-тавыш бирү чарасы ярдәмендә уздырылды. Өченче квартал нәтиҗәләре буенча А.Фәхразиев тарафыннан 138 юл йөрү кагыйдәләрен бозу очрагы ачыкланган, 5 кеше алкогольле эчемлекләр кулланган килеш руль артында тоткарланган.