“Фатих Кәрим – герой шәхес” исемле фәнни-эзләнү конференциясендә мөслимлеләр дә катнашты

14 нче март көнне Сарман гимназиясенда укучыларның районара "Фатих Кәрим - герой шәхес" дип аталган фәнни-эзләнү конференциясе үтте. Аның эшендә шагыйрьнең кызы Ләйлә ханым, район башлыгы Фәрит Хөснуллин исеменнән район Башкарма комитеты җитәкчесе урынбасары Индира Сәхипова, район мәгариф бүлеге җитәкчесе Әлфәт Сабиров, язучы Дамир Гарифуллин, журналист, Бөтендөнья Татар Конгрессы рәисе урынбасары, Фатих Кәрим исемендәге әдәби премия лауреаты Римзил Вәлиев катнашты.
Әлеге укуларда районыбыз укучылары фәнни һәм иҗади эшләре белән уңышлы чыгыш ясадылар. Тойгелде төп гомуми белем бирү мәктәбенең 5 нче сыйныф укучысы Ильвина Габдуллина (укытучысы Р. Дәүләтова), Мөслим урта гомуми белем бирү мәктәбеннән Гүзәл Җамалова (укытучысы Г. Даутова) 2 дәрәҗә дипломнар белән бүләкләнде.