Европаның иң биек чыршысын "Татмедиа" бинасында урнаштырдылар
Казанның иң биек биналарының берсендә Яңа ел инсталляциясе урнаштырылды: бәйрәм конструкциясе «Татмедиа»нең биеклектәге түбәсен бизәде. Кичке вакытта чыршыдан утлар шәһәрнең берьюлы берничә районыннан, шул исәптән Кремль ярыннан күренә.
«Татмедиа» генераль директоры Шамил Садыйков сүзләренә караганда, чыршының биеклеге — 18 метр, бинаның үзе-56 метр. Конструкцияне бизәү өчен 390 метр гирляндалар кулланылган.
"Безнең бина түбәсендәге Яңа ел конструкциясен без Казан халкының һәм гыйнвар каникулларына киләчәк туристларның кәефен күтәрү өчен урнаштырдык", — диде Садыйков.
Европада иң югары яңа ел конструкциясе булып, гадәттәгечә, испан Гранадасында монтажлана торган корылма санала. Аның биеклеге 55 метр тәшкил итә. Россиядә иң биек чыршыны Красноярскида урнаштыралар, аның биеклеге 55 метр тәшкил итә. Чагыштыру өчен: Мәскәүдә Кремль чыршысының биеклеге 30 метрдан сирәк артып китә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең телеграм каналга кушылыгыз! Телеграм-канал
Нет комментариев