Эшлекле киңәшмә

Мөслим муниципаль район Башлыгы катнашында атналык киңәшмә узды.

Район башлыгы Альберт Хуҗин узган атна вакыйгаларына күзәтү ясап, агымдагы атнага бурычлар билгеләде.

Яңа вазыйфага -  район мәдәният бүлеге җитәкчесе итеп Гайнетдинова Фәридә Якуповна билгеләнде.

 Бердәм Россия сәяси партиясенең Мөслим бүлекчәсе эшчәнлеге буенча  Фәридә Гайнетдинова, мәшгульлек үзәгенең 2022 елдагы эшчәнлеге буенча  Мөнирә Идиатуллина, кышкы спартакиада уеннары буенча  Илшат Яббаров, үзара салым акчаларын вакытында түләү буенча  Азат Әхмәтҗанов чыгышлары тыңланды.
Киңәшмәдә түбәндәге актуаль мәсәләләр каралды:
• Авыл җирлекләрендә отчет сессияләрен дәвам итү;
• Министерство һәм ведомство коллегияләрендә катнашу;
• Оешма-предприятие, Башкарма комитеты бүлекләре тарафыннан еллык отчетларга әзерлек эшләре;
• Район отчет сессиясенә әзерлек;
• Үзара салым акчаларын вакытында җыю;
• Юллар, тротуарларны тәртиптә тоту;
• Спартакиада уеннарына әзерлек.

Фото - администрациянең матбугат хезмәте архивыннан