“Ел укытучысы – 2022"

Бүген, 28 февральдә, Актанышта Сәләтле балалар өчен гуманитар гимназия-интернат базасында "Ел укытучысы-2022" бәйгесенең зона этабы уза. Көн дәвамында Актаныш, Мөслим, Сарман, Зәй районнарында "Ел укытучысы" бәйгесендә җиңү яулаган педагоглар көч сынашачак. Безнең районнан 4 укытучы катнаша: Илсөя Шәрипова, Алина Марданшина (“Дебют” номинациясе), Гөлзирә Рахимуллина, Гүзәл Хәсәнова.

Дәрәҗәле бәйгене ачу тантанасында укытучыларны гимназия укучылары сәламләде. Актаныш районы башлыгы Энгель Фәттахов хәер-фатихасын бирде. Татарстан Республикасы Фән һәм мәгариф министрлыгының гомуми белем бирү һәм укучыларны йомгаклау аттестацияләве бүлеге җитәкчесе Татьяна Иванова, Татарстан Республикасы Мәгариф һәм фән министрлыгының милли бүлек җитәкчесе Энҗе Гыйзәтуллина бәйгедә чыгыш ясаячак мөгаллимнәргә уңышлар теләде. Нәтиҗәләр соңрак билгеле булачак.

Материалны әзерләүдә aktanysh-rt.ru мәгълүматлары файдаланылды.