Данис Зарипов Казанга кабат кайтканнан соң "Ак Барс" өчен беренче алкасын кертте

("Татар-информ"). Хоккейчы Данис Зарипов "Ак Барс" командасына әйләнеп кайтканнан соң беренче алкасын кертте.

Казанда КХЛның даими чемпионаты кысаларында "Ак Барс" һәм Мәскәүнең "Динамо" командалары очрашуының икенче периоды төгәлләнде. Исәп әлегә 3:1 - боз хуҗалары файдасына.

Данис Зарипов бу сезонда әле икенче уенын гына уздыра. Аның керткән голы бүгенге уенда "Ак Барс" командасының өченче уңышы иде. Ә Зарипов өчен ул КХЛ чемпионатында керткән 200 нче алка булды.