Бәйрәм белән!

Быел ТАССР төзелүнең 100 еллыгын зурлап билгеләп үтәбез. Юбилей датасы зур вакыйгага, олы бәйрәмгә әверелде. Район башлыгы, район Советы рәисе Рамил Муллин райондашларыбызга бәйрәм котлавын ирештерде. Анда мондый юллар бар: “Моннан бер гасыр элек кабул ителгән карар республикабызның социаль-икътисади һәм иҗтимагый үсеш курсын билгеләде. Бүген Татарстан, икътисади яктан алдынгы һәм уңышлы төбәк буларак, бөтен дөнья күләмендә танылды. Республикабыз тарихындагы бу вакыйганы зур горурлык хисләре белән бәйрәм итәбез. Чөнки төбәк үсешендә мөслимлеләрнең дә лаеклы өлеше бар. Республикабыз алга таба да чәчәк атсын, күпмилләтле халыклар арасында дуслык тагын да ныгысын, ил-көннәребез имин булсын!”