Бу кызыклы! Телләр турында

Җир йөзендә “хәрәкәттә” булган 4 мең 200 телнең нибары 500е генә яхшы өйрәнелгән.

- Иң авыр телләрнең берсе – кытай теле, иң җиңеле – гавай теле санала.

- Папуада (Яңа Гвинеяда) өч миллион тирәсе кеше яши, алар 110 диалектта сөйләшә. Һималайларда – 160, Африкада 280 диалект исәпләнә.

- Кулланылышта иң еш булган сүз – инглиз телендәге “sеt” сүзе. Ул, исем буларак, 58 мәгънәдә, фигыль буларак, 126 мәгънәдә кулланыла.

- Дөньяда 65 төрле алфавит бар. Иң беренче борынгы алфавит үрнәге Сириядәге Унгарит (хәзерге Рас-Шарта) шәһәрендә табылган. Аның барлыкка килү вакыты безнең эрага кадәр 1450 ел тирәсе дип исәпләнә.

- Иң күп хәрефле (72) алфавит Камбоджадагы кхмер телендә генә бар. Иң аз – 11 хәрефе булган алфавит Бутенвиль утравында яшәүче ротокас кабиләсендә.

- Иң катлаулы тел – Дагыстандагы табасаран теле. Анда килешләр саны гына да 48гә җитә.

- “а” авазыннан башка бер тел дә юк. Иң борынгысы “о” авазы икән. Ул безнең эрага кадәр 1300нче ел тирәсендә финикиялеләр алфавитына кертелгән һәм бер дә үзгәрмичә бүгенге көндә дә кулланыла.