Бу көнне Мөслимдә

1973 ел 21 август
Барлык яшьләргә – гомуми урта белем
Районыбыз урта мәктәпләре авыл хуҗалыгы өчен механизаторлар хәзерләү буенча эш алып бара. Үткән уку елында урта мәктәпләр 100дән артык тракторчы хәзерләп чыгарды. Ләкин кайбер мәктәпләрдә производствога өйрәтүнең матди базасы канәгатьләнерлек түгел. Яңа техника юк, трактор һәм комбайн плакат буенча гына өйрәтелә. Һәр колхоз-совхоз урта мәктәбен яңа техника һәм ягулык-майлау материаллары белән тәэмин итсен иде. Чөнки мәктәп механизаторларны алар өчен әзерли. 
М.Мәйлүнов, район мәгариф бүлеге мөдире. 
Сәхифәне Мөнирә Арсланова әзерләде.