Бу көнне Мөслимдә

1973 ел

1 март

К.Маркс исемендәге кол­хозда политинформацияләр үткәрү яхшы оештырыл­ган. Партия комитеты си­стемалы рәвештә план- маршрутлар төзеп, поли­тинформаторларга марш­рут-путевканы үз вакытын­да тапшыра. Колхоздагы 12 политинформаторның ба­рысы да даими рәвештә кол­хозчы массалар арасында политик информацияләр үткәрә.

Булачак игенчеләр укый

Бүген колхоз-совхоз ма­шина паркларында 20 төргә якын трактор бар. Аларда эшләү өчен белемле меха­низаторлар кирәк. Учили­щебыз кирәкле күргәзмә һәм уку әсбаплары, прак­тик күнегүләр өчен техни­ка белән тулыландырылган. Быел училищеда 130 кеше укый. Күпләр урта мәктәп тәмамлаган. Булачак меха­низаторларга мөстәкыйль хәрәкәт итү мөмкинлеге ту­дырыла. Алар двигательнең төзеклеген тикшерәләр, тиешле карау эшләре үткәрәләр. Ял сәгатьләрендә курсантлар спорт белән шөгыльләнә. Училищеда “Механизатор” дигән стена газетасы чыгарыла.

Ә.Исламов.

3 март

Безгә нәрсә комачаулый?

“Маяк” колхозы 1967 елда сарыкчылык буенча специальләшә башлады. Уз­ган чор эчендә терлекләрнең баш саны җитештерелә тор­ган продукциянең күләме, сыйфаты яхшырган хәлдә, арттырылды. Мәсәлән, 1967 елда дәүләткә 75,6 цент­нер йон саткан идек, узган ел исә бу сан зачет авыр­лыгында 150 центнерга җиткерелде. Аның 96,5 про­центы – нәфис йон.

Ф.Титов, ферма мөдире.

Урта белем – заман таләбе

Олы Чакмак сигезьел­лык мәктәбе дирекциясе һәм башлангыч партия оеш­масы быелгы уку елында яшьләрне һәм өлкән яшьтәге иптәшләрне кичке мәктәпкә тарту өчен эшлекле чара­лар күрде. Унберенче клас­ста 12 кеше укый. Алар ара­сында механизаторлар, терлек караучылар, сыер савучылар, балалар бак­часында эшләүчеләр, учет­чиклар һәм почта работ­никлары бар. Г.Вагыйзова, Г.Дәүләтова, М.Сәлимова – 46-47 яшьтә, М.Хафизова 30 яшендә. Алар барысы да күп бала аналары.

Г.Гайнетдинова, бригада партоешмасы секретаре.

Сәхифәне Мөнирә Арсланова әзерләде.