"Бәхет йолдызы" фестивале

Соңгы вакытта Мөслим лицее укучылары зур уңышларга ирешә. 4 сыйныф укучылары күпсанлы конкурс-бәйгеләрдә катнашып җиңү яулаган. "Бәхет йолдызы" дип исемләнгән татар милли сәнгатенең III республика фестивалендә 4 а сыйныфы укучысы Аделина Бикмурзина - 1 дәрәҗә лауреат, 4 б сыйныфы укучысы Гөлия Ханова - 2 дәрәҗә лауреат, 4 б сыйныфы укучысы Айдар Хәйруллин - 3 дәрәҗә лауреат исемен алдылар. Республика күләм рус теле һәм әдәби уку конкурсында 4 а сыйныфы укучысы Фәрхәд Хатбуллин призер исеменә лаек булган. Укытучылары - Әлфия Каржавкина һәм Резеда Моратова.