Айдар Сәлимгәрәев Татарстан Республикасы Матбугат көне белән котлады

«Татмедиа» Республика матбугат һәм массакүләм коммуникацияләр агентлыгы җитәкчесе Айдар Сәлимгәрәев журналистларны, полиграфистларны, нәшрият хезмәткәрләрен һәм тармак ветераннарын Татарстан Республикасы Матбугат көне белән котлады. 
Айдар Сәлимгәрәев сүзләренә караганда, бүген журналистлар ил һәм республика өчен катлаулы ситуациядә алдынгы, ә массакүләм мәгълүмат чаралары агымдагы санитар-эпидемиологик хәл, аны стабильләштерү һәм халыкка ярдәм итү чаралары турында дөрес мәгълүмат җиткерүнең төп каналларына әверелгән.
«Сезнең эшегез һәм һөнәри осталыгыгыз зур әһәмияткә ия-үз материалларыгыз белән сез республикабызның бердәмлеген һәм чәчәк атуын саклап калуга сизелерлек өлеш кертәсез. Массакүләм мәгълүмат чаралары — хакимият һәм җәмгыять диалогының нәтиҗәле мәйданчыгы, алга таба да халыкка тормышның барлык өлкәләрендә барган процесслар турында оператив һәм дөрес мәгълүмат бирү мөһим», — диелә котлауда.
Республика медиасферасында һәрвакыт иҗади, талантлы, битараф булмаган, җаваплы кешеләр эшләде. 
"Безнең журналистлар югары профессиональлек, яраткан эшенә тугрылык һәм туган Татарстан һәм тулаем ил язмышына битараф булмаган мөнәсәбәт белән аерылып тора. Ышанам ки, бу сыйфатлар киләчәктә дә сезнең көндәлек эшегезнең нигезе булачак», — дип ассызыклады «Татмедиа» җитәкчесе.
«Намуслы хезмәтегез, үз вазыйфаларыгызга җаваплы каравыгыз, зур иҗади фидакарьлегегез өчен сезгә чын күңелдән рәхмәт белдерәм. Республика массакүләм мәгълүмат чаралары саклансын, үссен һәм нәтиҗәле эшләсен өчен, без кулдан килгәннең барысын да эшлибез. 
Һөнәри бәйрәмегез белән сезне! Матбугат көне белән! Барлык иҗади планнарыгызның тормышка ашуын, бетмәс-төкәнмәс илһам, барлык башлангычларда да уңышлар телим! Сезгә һәм якыннарыгызга сәламәтлек һәм иминлек телим", - дип тәмамлады сүзен Сәлимгәрәев.
Тулырак мәгълүмат: https://www.tatar-inform.ru/news/society/19-05-2020/aydar-salimgaraev-pozdravil-zhurnalistov-s-dnem-pechati-respubliki-tatarstan-5743520