Авыл хуҗалыгы техникасын кышкы саклауга кую бара

Хуҗалыкларда кыр эшләреннән бушаган авыл хуҗалыгы техникасын кышкы саклауга кую бара. Елдагыча, бу мөһим эшнең барышын компетентлы белгечләрдән торган махсус комиссия тикшерә. Узган атнада районның авыл хуҗалыгы формированиеләрендә Татарстан Республикасы авыл хуҗалыгы һәм азык-төлек министрының инженерлык һәм техник сәясәт буенча урынбасары Тәлгать Таһирҗанов, агросәнәгать комплексын инженер-техник тәэмин итү бүлегенең әйдәүче киңәшчесе Илнур Гарипов, район авыл хуҗалыгы һәм азык-төлек идарәсе белгечләреннән торган комиссия эшләде.