Авыл хуҗалыгы урып-җыю кампаниясенә әзерләнә

Авыл хуҗалыгы формированиеләрендә терлек азыгы әзерләү бара. Печән әзерләү белән бергә сенаж салу һәм яфраказык әзерләү дә дәвам итә. Яфраказык әзерләүдә агрофирмага авыл җирлеге советы һәм бюджет хезмәткәрләре ярдәм итә. Әлеге эш белән беррәттән хуҗалыклар алда торган урып-җыю кампаниясенә дә әзерләнә. "Туган як" агрофирмасында 8 данә "Нью Холланд" комбайны бүгеннән үк урып-җыюга әзер. Хуҗалыкка тагын 3 комбайн ремонтланып кайтырга тиеш. Ягулык-майлау материаллары бар. Комбайннар механизаторлар белән тәэмин ителгән. Туган яклылар урып-җыю барышында проблемалар булмас, дип ышандыра.