Атналык бурычлар куелды

Чәршәмбе иртәсе район хакимияте бинасында киңәйтелгән утырыш белән башланып китте. Киңәшмәдә Мөслим муниципаль район Советы һәм Башкарма комитеты аппараты, территориаль органнарның һәм Башкарма комитетның бүлек җитәкчеләре, агрофирма җитәкчеләре, муниципаль учреждение һәм оешма җитәкчеләре, авыл җирлеге башлыклары һәм җирлектәге бюджет оешмалары җитәкчеләре, җирле телевидение катнашты.

Җиңү бәйрәмен үткәрү, мемориаль комплекстагы өмәләрдәге катнашу активлыгына анализ ясалды, балаларның җәйге ялын оештыру, чисталык икеайлыгы кысаларында тирә-юньне чистарту һәм төзекләндеру буенча эшләрне дәвам итү, язгы кыр эшләренең барышы, алда үткәреләчәк чараларга әзерлек кебек сораулар каралды.

Әюпов Нияз Назыйф улы Баланлы авыл җирлеге башлыгы вазифаларын башкаручы итеп билгеләнде.