Актив яшиләр

 Мөслим картлар һәм инвалидлар интернат-йортында Бөтендөнья иммунитет көнен билгеләп үтелгән.
 Өлкән шәфкать туташы Абдуллина С.М. социаль хезмәтләрдән файдаланучыларга иммун системасы үзенчәлекләре һәм сәламәт яшәү рәвеше принциплары турында лекция укыган. Ул сәламәтлекне саклау һәм торгызу өчен дөрес туклану, спорт белән  шөгыльләнергә кирәклеген сөйләгән.
Шәфкать туташы Вәлиева И.С. өлкәннәр өчен саф һавада йөрүне оештырган.  Барысы да Ык буеннан яхшы аппетит, күтәренке кәеф белән кайтканнар. Шушы ук көнне интернатта яшәүче  Людмила Викторовнаны туганнары,  хезмәткәрләр һәм башка социаль хезмәтләрдән файдаланучылар исеменнән  директор туган көне белән котлаган.

Фото -  картлар һәм инвалидлар интернат-йорты архивыннан