“Агромастер” компаниясендә 12 төрдән күбрәк тагылма агрегат җыела

"Агромастер" җитештерү компаниясендә "Т-360" тракторын һәм тагылма агрегатларны җыю цехы тулы куәтенә эшли башлады. Цех 3500 кв.м. мәйданны били. Цехта дистәдән артык "Т-360" тракторы һәм 12 төрдән артык тагылма кораллар җыела. Әлеге цех заманча җиһазлар белән җиһазландырылган. Биредә җыелган агрегатлар югары сыйфатлы һәм югары җитештерүчәнлеккә ия булулары белән аерылып торалар. Биредә ике буяу камерасы, шиномонтаж, җыю өчен җиһазлар, механикалаштырылган склад, барлык операцияләргә дә компьютер контроле үткәрү бүлекләре бар. Болар барысы да сыйфатлы продукция җитештерергә ярдәм итә. Цехта эш ике сменада оештырылган. 2017 елны "Агромастер" җитештерү компаниясе югары нәтиҗәләр һәм матур күрсәткечләр белән төгәлли.