7 юл-транспорт һәлакате теркәлде

Бәйрәм ялларында районда 7 юл-транспорт һәлакате теркәлде. Аларның барысы да механик характерда. Аварияләрнең барысы да Мөслим авылында булган. Һәлакәтләрнең өчесе автомобиль тукталышларына арт белән чигенгәндә булса, бер очракта транспорт юл билгесенә килеп бәрелә. Өч очрак, шоферларның дөрес тизлек сакламавы нәтиҗәсендә, урам чатларында күзәтелгән. Бәйрәм ялларында юл хәрәкәте иминлеге линиясе буенча барлыгы 155 административ хокук бозу очрагы теркәлгән. Исерек килеш транспорт чарасы белән идарә иткән өч шофер ачыкланган. Бүгенге көндә аларның берсенә, транспорт белән кабат исерек хәлдә идарә иткән өчен, РФ Җинаять кодексының 264.1 маддәсе буенча җинаять эше кузгату турында карар кабул ителә.