Районыбызда халык җыеннары башланды

Авыл җирлекләрендә 2017 елдагы эшчәнлеккә багышланган халык җыеннары башланды. Мондый җыеннар Рус Шуган, Олы Чак, Михайловка, Тойгелде авыл җирлекләрендә узды. Җыеннарда муниципаль район башлыгы Рамил Муллин, район башлыгы урынбасары Азат Әхмәтҗанов, район прокуроры Данис Әхмәтҗанов, җирлекләрдә эшләүче агрофирма җитәкчеләре катнаша. Җирлек башлыклары 2017 елда башкарылган эшләргә анализ ясыйлар һәм 2018 елга булган бурычлар белән таныштыралар. Җыеннарда авылның имам-хатиблары, ветераннар советлары рәисләре дә фикер-тәкъдимнәре белән уртаклашалар. Шулай ук, авыл халкы үзен кызыксындырган сорауларына район башлыгының җавабын ишетә, фикер-тәкъдимнәрен җиткерә.