03 хәбәр итә

Ел башыннан җирлегебездә 27 кешегә үпкә ялкынсынуы диагнозы куелган. Ике кешедә ковид ачыкланган. Дүрт кеше дәвалану өчен Яр Чаллы шәһәренең йогышлы авырулар хастаханәсенә җибәрелгән. Бүгенге көнгә кадәр район поликлиникасына барлыгы 17925 дозада вакцина кайткан, шуның 17325е кулланылган. “15207 доза ГамКовидВак вакцинасы ясалган. 60 яшьтән өлкән кешеләргә 3998 доза вакцина ясалды. Бүгенге көндә поликлиникада 600 доза вакцина бар. Үз сәламәтлегенә битараф булмаганнар прививкаланудан курыкмый.12-17 яшькәчә балаларга да шушы көннәрдә вакцина кайтырга тиеш. “СпутникЛайт” вакцинасына заявка бирдек”, – ди район поликлиникасының баш эпидемиологы ярдәмчесе Миләүшә Ильясова.