Мөслим-информ

Муслюмовский район

18+
2024 - Гаилә елы
Файдалы мәгълүмат

Кышкы аяк киеме сайлыйбыз

Беренче чиратта, аяк киеменең материалына игътибар итегез. Табигый күннән эшләнгәнен алу хәерлерәк. Аяк киемен махсус кибеттән алыгыз, базардан алмаска тырышыгыз.

Кышкы аяк киеменең йо­нына да карагыз. Ул да табигый булсын. Әгәр йон төкле нигездә булса, ул табигый була, әгәр ни­гезе тукыма булса, йон ясалма дигән сүз. Ясалма йон ялтырап тора, табигый йон исә тоныграк төстә була.

Шулай ук аяк киеме таба­ны, үкчәсе һәм замогы да игъ­тибарга лаек. Стандарт буенча, кышкы аяк киеменең табаны калынлыгы бер сантиметрдан да ким булмаска тиеш. Табан өчен иң кулай материал – по­лиуретан, резина, поливинилх­лорид, алар су үткәрми.

Кышкы аяк киеме үкчәсе киң булса, яхшы. Ул нык һәм ышанычлы булсын, пластмас­садан эшләнгән үкчәлене ал­мау хәерле.

Аяк кименең замогы аска кадәр төшеп җитми торган бул­са, яхшы. Аның эчке ягында клапаны да булу хәерле.

Кышкы аяк киемен бер-ике үлчәмгә зурракны алыгыз, кы­сан аяк киемендә аяклар бик тиз туңа.

Яхшы аяк киеме арзанлы булмый. Әгәр җитештерүче га­рантия дә бирсә, бу яхшы әйбер дигән сүз.

Кыш көненә кимендә ике аяк киеме алырга киңәш ителә. Аяк киемнәрен чиратлап кияргә кирәк. Чөнки йөргәндә күн бөгелә һәм тартыла. Аяк ки­емен киюнең оптималь графи­гы – ботинка яки сапогины өч көнгә бер мәртәбә кию.

Кышкы аяк киемен фен, эченә тыгып куя торган кип­тергеч, җылыту батареясы­на куеп киптерү боза. Артык кипсә, табигый күн катыла­на, кысыла. Болай булмасын өчен аяк киеменең эченә фор­ма саклый торган предмет ку­ярга кирәк. Ул күнне сынудан саклый, артык дымны үзенә сеңдерә.

Иң яхшы форма саклагыч агачтан, идеаль очракта кед­рдан ясала. Кедрның антибак­териаль үзлеге дә бар.

Күн аяк киемен киптерү өчен эченә кәгазь тутырып ку­ярга була. Бу очракта аяк кие­ме эчендәге аслыкны алып то­рырга кирәк.

Кышкы аяк киемен су белән юмау хәерле. Киемгә тоз утыр­са, аны дымлы салфетка белән сөртеп алырга кирәк. Анна­ры аяк киеменә махсус спрей сиптерү хәерле. Ул аш серкәсе нигезендә ясалган булса, ях­шырак.

Фото- Татар-информ архивыннан

Следите за самым важным и интересным в Telegram-каналеТатмедиа

Безнең телеграм каналга кушылыгыз! Телеграм-канал

Без "Дзен"да! Дзен


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Реклама